Постојат безвременски рецепти, според нивната оригинална суштина и квалитет. Еден од тие рецепти е шпагети со капери, маслинки и филети од инчуни. Лесен за подготовка, за кратко време ќе добиете јадење полно со различни вкусови и текстури.

Време на подготовка: 60 минути
Подготовка: лесна
Порции: 2

Состојки
400 гр шпагети
700 гр доматно пире
100 гр црни маслинки без семка
50 гр капери
2 чешниња лук
неколку филети од инчуни
1 китка магдонос
сол
маслиново масло

Подготовка

Крупно исечкајте го лукот и истурете го во тава, каде што ќе имате загреано малку масло, заедно со филетите од инчуни.
Пржете сè додека не се растопат инчуните и истурете го доматното пире.
Добро мешајте, доведете до вриење, а потоа намалете ја температурата.
Оставете го сосот на страна.
Во меѓувреме, исечкајте ги маслинките и каперите.
Истурете сè во сосот, измешајте добро и варете.
Ако има потреба, додадете неколку лажици топла вода. На крајот сосот мора да биде доста густ, но мазен. Потребни се околу 40/45 минути.
Во меѓувреме сварете ги шпагетите.
Кога ќе биде сосот подготвен, на исклучен оган, измешајте го исечканиот магдонос со сосот.
Во сосот додадете ги сварените исцедени шпагети и добро промешајте.
Сервирајте.

Добар апетит!