Салатата од грав со туна е здрав оброк полн со вкусови. Грав е богат со растителни влакна, протеини, минерални соли и витамини и е одличен во комбинација со туна, маслинки и разни зеленчуци. Одлична летна освежителна салата.

Време на подготовка: 20 минути
Подготовка: лесна
Порции: 4

Состојки
320 гр црвен грав
320 гр туна
100 гр маслинки зелени без семка
2 кромид
1 црвена пиперка
60 мл маслиново масло

Подготовка

Кромидот исечете го на парчиња по должина.
Пиперките исечкајте ги на коцкички, претходно отстранувајќи го семето.
Гравот исцедете го.
Туната исцедете ја.
Во сад измешајте ги туната, кромидот, пиперките, гравот и зачинете со маслиново масло, сол и бибер по желба.

Добар апетит!