РОЛАТ ОД МЕСО И СУШЕНИ ДОМАТИ
Ролат од месо со сушени домати е едноставно главно јадење, кое може да се направи или со свинска кртина или со пилешки гради. Полнењето е толку богато што одлично се вклопува дури и со пилешко месо.
Време на подготовка: 60 минути
Подготовка: лесна
Порции: 2
Состојки
6 парчиња свинска кртина или пилешки гради
6 тенки парчиња сланина
50 гр фета сирење
1 жолчка
70 гр свежи листови спанаќ
12 сушени домати
1 чешне лук
1 китка свежа жалфија
100 мл суво бело вино
маслиново масло
сол
Подготовка:
- Сушените домати процедете ги.
- Во меѓувреме, ставете ги 50 гр фета сирење и жолчката во мал сад, а потоа измешајте сè добро со вилушка за да стане една смеса.
- Поставете ги парчињата сланина на работната површина и потоа над секое од нив поставете парче свинско или пилешко месо.
- Врз месото ставете од листовите спанаќ и одозгора ставете малку од смесата од фета сирење и жолчка.
- Ставете од сушените домати подва во средината на секоја парче, над фета кремот.
- Тркалајте го секое парче, за да добиете ролати покриени со сланина, боцнете ги со чепкалка за да не се одвртат и држете ги настрана.
- Во големо тавче ставете малку маслиново масло, додадете од жалфијата и ролатите од месо, па оставете ги добро да потемнат, вртејќи ги често, за да потемнат од сите страни еднакво.
- Кога ќе станат златно-кафеави, потопете ги ролатите во 100 мл суво бело вино и додајте го чешнето лук исечено на половина, а потоа продолжете со готвење уште 20-25 минути, или додека ролатите целосно не се зготват. Доколку има потреба, додавајте малку вода од време на време ако видите дека течноста испарува премногу брзо.
- Кон крајот на готвењето додајте сол по вкус и кога ќе бидат готови, може да ги сервирате ролатите, придружувајќи ги со свежа салата од пиперка или со пире од компири.
Добар апетит!
