РИЖОТО СО 2 ВИДА ДОМАТ
Едноставноста е нешто што на сите, сè почесто, ни станува дел од начинот на готвење. Рижотото со домат е вкусен, лесен и практичен рецепт кој може да го подготвите во секој момент, а резултатот е зачудувачки.
Време на подготовка: 25 минути
Подготовка: лесна
Порции: 4
Состојки
1/2 кромид
1 морков
1 стебленце од целер
300 гр ориз карнароли
150 гр сос од домати
5 сушени домати
½ кромид
малку путер
120 гр рендан пармезан
сол
2 китки свежа мајчина душица
Подготовка
- Ставете да се вари во тенџере половина кромид, морков и малку целер. Почекајте да зоврие за да ја добиете супата.
- Исечете ги сушените домати на многу мали парчиња.
- Одделно исечете го кромидот ситно и испржете го заедно со сушените домати и додадете малку маслиново масло. Додадете го оризот, малку сол и добро пропржете.
- Сега започнете да го натопувате оризот со жешката супа, малку подигнете од огин и додајте ја пасатата од домати. Кога ќе забележите дека топлината на тенџерето е намалена, повторно вратете на огин, со што оризот ќе продолжи да врие и варете го околу 15 минути. Доколку е потребно додајте сол.
- Кога оризот ќе биде готов, тргнете ја тавата од оган и промешајте со путерот и пармезанот.
- Послужете топло, гарнирано со свежи листови од мајчина душица.
Добар апетит!
