Тиквичките полнети со туна и капери се лесен рецепт за вкусно мезе или лесен ручек. Одлично е топло, но, исто така, вкусни се и кога се служат на собна температура. Во само неколку чекори ќе добиете многу интересно јадење полно со вкусови.

Време на подготовка: 70 минути
Подготовка: лесна
Порции: 4

Состојки
4 тиквички
200 гр туна
1 јајце
4 инчуни
30 гр капери во сол
неколку црни маслинки без семка (*наша препорака)
5 лажици лебни трошки
свеж магдонос
сол
бибер

Подготовка

За да ги подготвите тиквичките полнети со туна и капери, започнете со готвење на тиквичките во солена зовриена вода околу 10 минути.
Исцедете ги и веднаш ставете ги под млаз ладна вода.
Исечете ги на половина по должина и ископајте ја пулпата со лажичка.
Исецкајте ја и ставете го во сад. Во садот додадете ја туната, каперите и сецканите инчуни, јајцето, лебните трошки, магдоносот, сол и бибер. Исто така, може да додадете и сечкани црни маслинки без семка.
Измешајте сè со вашите раце додека не се добие хомогена и не премногу влажна мешавина. Со помош на лажица, полнете ги издлабените половинки од тиквичките и ставете ги во садот за печење наредени врз хартија за печење.
Посипете ги со малку масло и ставете ги во загреана рерна на 180 °, околу 40-45 минути.
Извадете ги од рерната и оставете ги да се одморат неколку минути.
Сервирајте.
*Наша препорака: во рецептот може да додадете црни маслинки без семка

Добар апетит!