ПИЦА СО КРЕМА ОД Ф`СТАЦИ, МОРТАДЕЛА И МОЦАРЕЛА
Пицата со крема од ф`стак, мортадела и моцарела е секако една од највкусните и најпопуларните верзии на “пица со ф`стак“. Во ова вкусно јадење, можете да вкусите три интензивни вкусови од целата Италија, кои, обединети заедно, го даваат најдоброто што можете да го замислите.
Време на подготовка: 50 минути
Подготовка: лесна
Порции: 2 пици
Состојки
ЗА ТЕСТОТО:
500 гр брашно
300 мл вода
25 мл маслиново масло
12 гр свеж квасец
9 гр сол
ЗА ПОЛНЕЊЕТО:
200 гр крема од ф`стак
150 гр тенко исечена мортадела
400 гр моцарела
маслиново масло
Подготовка
- Растворете го квасецот во малку вода на собна температура. Во сад спојте ги брашното додавајте по малку од маслото, водата во која сте го раствориле квасецот и остатокот од водата (на собна температура). Измесете. На крај додајте ја солта и повторно месете додека не се добие меко и еластично тесто.
- Потоа, ставете го тестото на површина врз малку брашно и измесете го во сферична форма.
- Ставете го во голем стаклен сад, покријте го со фолија и оставете да нарасне на место кое заштитено од провев (на пр. во исклучена рерна само со уклучено светло) најмалку 3-4 часа или додека двојно не се зголеми волуменот.
- Откако ќе нарасне, повторно земете го тестото, поделете го на два дела и формирајте кругови (раширете го тестото со рака).
- Потоа, поставете ги пиците во тави за печење.
- Врз пицата ставете половина од исечената моцарела и прелијте со маслиново масло.
- Печете во загреана рерна на 200 ° C за 15-20 минути.
- Кога пицата ќе биде готова, извадете ја од рерната и одозгора убаво распоредете од кремата од ф`стак, парчињата мортадела и преостанатата моцарела.
- Вашата пица е подготвена, сервирајте веднаш додека е сè уште топла.
- По желба, врз пицата можете да додадете малку сечкани ф`стаци.
Добар апетит!
