МЕДИТЕРАНСКА КИНОА СО ПЕСТО, ПОЛУСУШЕНИ ДОМАТИ И МАСЛИНКИ
Киноата е сѐ позастапена во сечија кујна. Интересна е за подготовка бидејќи може да се вметне во најразлични комбинации. Еден од поинтересните рецепти е медитеранска киноа во комбинација со полусушени домати, маслинки и песто и сок од лимон.
Време на подготовка: 30 минути
Подготовка: лесна
Порции: 4
Состојки
180 гр киноа
250 гр шери домати
2 тиквици
60 гр полусушени домати на филети во масло
16 црни маслинки без семка
2 млад кромид
сол
црн бибер
песто
2 лажици сок од лимон
Подготовка
- Исечете ги тиквиците на парчиња и ставете ги да се печат на плотна или на решетка за скара.
- Исечете ги шери доматите на половина или четвртина (според големината) и ситно исечете го кромидот. Додајте ги црните маслинки без семка и полусушените домати на филети.
- Процедете ја киноата.
- Во голем сад, комбинирајте ја киноата со тиквиците, шери доматите, полусушените домати на филети, младиот кромид и маслинките.
- Зачинете со песто во коешто ќе го ставите сокот лимон и измешајте додека целата киноа убаво не ги прими зачините.
- Додајте сол и црн бибер и повторно измешајте.
- Служете на собна температура или ладно.
Добар апетит!
