Многу брз рецепт со многу разновидна употреба, хумусот е всушност пате од наут, типичен за либанската кујна. Одлично ќе го дополни вашето мезе во летните вечери во друштво со пријателите.

Време на подготовка: 20 минути
Подготовка: лесна
Порции: 4

Состојки
400 гр наут
сок од половина лимон
2 лажици таан
1 лажичка ким
магдонос (по желба)
1 чешне лук
црвен пипер (по желба)
маслиново масло
сол
бибер

Подготовка

Исцедете го наутот и ставете го во блендер заедно со чешнето лук кое ќе го исечете на половина за полесно да се изблендира. Додадете го таанот, кимот и малку маслиново масло. Блендирајте сѐ со умерена брзина. Полека додавајте масло додека не добиете хомогена смеса.
Кога наутот ќе стане кремаст, додадете сол, бибер и сок од половина лимон.
Продолжете да блендирате со максимална брзина и, по потреба, додадете масло или топла вода сѐ додека состојките не се соединат убаво.
Оставете да отстои во фрижидер неколку минути.
Сервирајте со наросување црвен пипер и сечкан магдонос, секако придужено со земичка, лепче за гиро, лепче на тост и слично.

Добар апетит!