БРЗА ПИЦА СО КУЛЕН И ПОЛУСУШЕНИ ЖОЛТИ ДОМАТИ
Пицата е во корените и основата на италијанската кујна. Постојат неограничен број комбинации кога станува збор за пицата, а може да ја употребите и вашата имагинација при подготвувањето. Пицата со кулен и полусушени жолти домати може да биде одлично освежување во вашиот спектар на пици за кои можете да се пофалите дека сте ги пробале.
Време на подготовка: 30 минути
Подготовка: лесна
Порции: 2
Состојки
400 гр рендана моцарела/кашкавал
полусушени жолти домати
кулен исечен на кругови
сол
маслиново масло (за премачкување на тавата)
За тестото:
400 гр бело брашно
1 кесичка сув квасец
1 лажичка шеќер
1 лажичка сол (околу 5 гр.)
3 лажици маслиново масло
240 мл. ладна вода
Подготовка
- Измешајте го брашното во голем сад, измешајте го квасецот, потоа додајте го шеќерот, солта, маслиновото масло и малку по малку водата, мешајќи со вилушка.
- Откако ќе го измесите тестото, поделете го на два еднакви делови.
- Подмачкајте ја тавата (со дијаметар од 28 cm) со масло, раширете ја со сукало едната половина од тестото во големина на тавата. Пренесете го тестото на тавата.
- Ставете половина од моцарелата врз тестото и сол по вкус.
- Печете околу 12 минути во претходно загреана рерна на 220 ° C.
- Пред сервирање, додадете ги полусушените жолти домати и куленот.
- Направете ја истата постапка со другиот дел од тестото.
Добар апетит!
