Брускетите со песто и моцарела се супер брзо мезе за служење при попладневен или вечерен аперитив со пријателите. Се подготвуваат едноставно и за само неколку минути ќе имате вкусно мезе по кое сите присутни ќе посегнат.

Време на подготовка: 15 минути
Подготовка: лесна
Порции: 4

Состојки
8 парчиња леб
150 гр бурата или моцарела
80 гр песто
75 гр сушени домати
15 гр индиски ореви

Подготовка

Исечете го лебот на парчиња и печете го неколку минути во тава, од двете страни.
Во меѓувреме, пресечете ја моцарелата на парчиња.
Исечете ги сушените домати на филети.
Ставете слој од пестото на печеното парче леб, ставете од буратата (или моцарелата) и доматите.
Одозгора додајте ги индиските ореви.
Сервирајте.

Добар апетит!